Müdirlik ilkinji gezek Türkmenistanyň Bellige alyş edarasy tarapyndan 1998-nji ýylyň 13-nji iýulynda №16101829 sanaw belgili Şahadatnama esasynda Türkmenistanyň Döwlet balyk goraýyş uprawleniýesi ady bilen bellige alynyp resmi taýdan döredildi. Häzirki wagtda müdirligiň Esaslandyryjysy Türkmenistanyň Maliýe we ykdysadyýet ministrliginiň Ýuridik şahslary we maýa goýum taslamalary döwlet tarapyndan bellige almak bölümi tarapyndan 2019-njy ýylyň 13-nji fewralynda 24587783 sanaw belgili şahadatnama bilen bellige alnan Türkmenistanyň Maliýe we ykdysadyýet ministrliginiň ýanyndaky Ykdysadyýeti töwekgelçiliklerden goramak agentligi bolup durýar. Döwlet balyk goraýyş we suwuň bioserişdelerine gözegçilik müdirligi suwuň bioserişdelerine goragyny, şeýle hem balyk hojalyk ähmiýetli suw desgalarynda balyk goraýyş we balyk tutmagyň düzgünleriniň berjaý edilişini gözegçilikde saklaýar. Şeýle-de müdirlik balyk we suw haýwanlarynyň gorlaryny köpeltmek, olary emeli usulda köpeltmek we uýgunlaşdyrmak, balyk hojalyk meliorasiýasy we suw howdanlaryna balyk goýbermek boýunça işleri guramagy we geçirmegi amala aşyrýar.
